Innkeypari til verkætlanir

KJ søkir eftir ágrýtnum innkeypara, sum kemur at hava ábyrgd av innkeypi og logistikki í samband við størri og smærri verkætlanir og arbeiðstøkur, sum felagið hevur.

Arbeiðsuppgávurnar fevna millum annað um

• At nágreina tilfarslistar saman við verkætlanarleiðara
• At útvega tilboð og hava samskifti við veitarar
• At keypa inn vørur til verkætlanir
• At samskipa frakt
• At gera avtalur við veitarar

Tú kemur at hava tætt samstarv við søludeildina, verkætlanarleiðarar, teknisku deild og goymsluna.

Útbúgving/royndir

Tað er ein fyrimunur um tú hevur royndir við innkeyp ella logistikki, men hetta er tó ikki eitt krav.

Vit vænta at tú

• hevur tekniskan áhuga
• ert ágrýtin og arbeiðsom/samur
• ert væl skipað/ur
• hevur góð evnir at samskifta

Vit bjóða

• Góða matarskipan
• Starvsfólkatrygging
• Gott arbeiðsumhvørvi

Setanartreytir
Starvið verður sett sum skjótast. Høvuðsarbeiðsstaður verður hjá KJ á Kambsdali. Løn og setanartreytir sambært avtalu.

Spurningar

Vilt tú vita meira um starvið, so ert tú vælkomin at ringja til Viggo Johannesen, stjóra, á tel. 58 88 28 ella senda ein teldupost til viggo@kj.fo.

Umsókn

Umsókn við møguligum prógvum og skjølum skal sendast til starv@kj.fo. Til ber eisini at søkja starvið umvegis heimasíðu okkara við at fylla frymilin út niðanfyri.

Umsóknir skulu vera okkum í hendi í seinasta lagi 01. oktober 2024 á miðnátt.