Einki úrslit

{{result.post_type}}

{{result.post_title}}
{{result.post_title}}

{{handleContent(result.content)}}

{{ result.job }}

{{ result.phone }}

/

{{ result.email }}

Um kj

KJ er ímyndin av íverksetan, har hugur og hegni hevur verið við til at skapt virðir fyri fyritøkuna, nærsamfelagið og Føroya land. Ídag starvast 140 fólk í fyritøkuni og umsetningurin í 2022 var áleið 373 mió. kr.

stutt um kj

KJ er ein fyritøka við serkunnleika innan hydraulikk og maskintøkni. Fyritøkan veitir og serviserar útgerð til fiskiídnaðin, alivinnu á sjógvi og landi, umframt flutningsvinnuna og byggivinnuna. Sum ein av størru fyritøkunum á maskintekniska økinum í Føroyum, veitir KJ eisini útgerð og tænastu til útlendsku marknaðir, eitt nú til Íslands, Skotlands, Hetlands, Grønlands, Danmarkar og Noregs.

Høvuðssætið hjá KJ er á Kambsdali við deildum, í Havn, við Ljósá og í Fuglafirði, umframt dóttirfelagið KJ Supply í Danmark

Kj er í dag ein av størstu føroysku fyritøkunum og hevur verið ein týðandi veitari til føroyska fiskiflotan í nógv ár. Seinni árini hevur fyritøkan ment seg til at verða veitari til fleiri aðrar vinnur, eitt nú alivinnuna og byggi- og entreprenørvinnuna.

KJ er ímyndin av íverksetan, har hugur og hegni hevur verið við til at skapt virðir fyri fyritøkuna, nærsamfelagið og Føroya land. Ídag starvast 140 fólk í fyritøkuni og umsetningurin í 2022 var áleið 373 mió. kr.

søgan í stuttum

síðani 1978

1978
Kári Johannesen, Maskinverkstaður stovnað
Stovningarprovisión fyri einstaklingavirkið á 3.000 kr goldin tann 21. september 1978, og fyrstu tíðina varð hildið til í kjallaranum í sethúsunum hjá Kára Johannesen í Fuglafirði.
1983
Fyrsti lærlingurin kemur í læru
Fyrsti lærlingur felagsins var Birgir Samuelsen, og byrjaði hann í læru tann 2. januar 1983. Birgir er í dag tekniskur leiðari hjá KJ
1987
Smiðjubygningurin reistur á Kambsdali
Fyrsti virkisbygniningurin hjá felagnum reistur á Kambsdali. Smiðjan varð tikin í nýtslu í 1988.
1988
Kári Johannesen, Maskinverkstaður lagt um til partafelag
Tann 12. juli Í 1988 varð einstaklingavirkið lagt um til partafelag, P/F Kári Johannesen, Maskinverkstaður
1992
Hydro Tech Sp/f stovnað
Í 1992 bleiv Hydro Tech Sp/f á Eiði stovnað. Kári Johannesen og Absalon Wolles áttu hetta virkið í felag.
1999
Fyrsta tvíkiljan bygd
Fyrsti nýbygningurin, tvíkiljan Sneis, bygd og latin P/F Sjólaksi í Kollafirði. Hydro-Tech bygdi tvíkiljuna.
2002
Fyrsta kvinnan í fyritøkuni lokið sveinaprógv sum maskinsmiður
Tann 2. februar 2002 varð fyrsta kvinnan í Føroyum útlærd sum maskinsmiðjur. Talan er um Sheilu S. Sóldal úr Fuglafirði, og hon var í læru í smiðjuni hjá KJ á Kambsdali.
2004
Hydro-Tech lagt saman við Kára Johannesen, Maskinverkstaði
26. Januar 2004 varð P/F Hydro-Tech á Eiði lagt saman við P/F Kári Johannesen, Maskinverkstaði á Kambsdali
2004
Navnið “KJ Hydraulik” sær dagsins ljós
Í samband við samanleggingina av P/F Hydro-Tech og P/F Kári Johannesen, Maskinverkstaður, sær nýggja navnið “KJ Hydraulik” dagsins ljós, og verður hetta nýggi samleikin hjá samanløgdu feløgunum.
2006
Sp/f Norð Trukk keypt og lagt saman við P/F KJ Hydraulik
KJ Hydraulik keypur Sp/f Norð Trukk, og er hetta startskotið hjá KJ Hydraulik við sølu og tænastuveitingum til entreprenørvinnuna og aðrar vinnur á landi.
2006
Høvuðsskrivstovan á Kambsdali keypt
Í november mánaða í 2006 keypir P/F KJ Hydraulik stóran virkisbygning frá fyritøkuni JT Electric. Bygningurin hýsir ídag høvuðsskrivstovu felagsins, har søludeildin, fíggjardeildin og umsitingin halda til.
2008
Bedingin í Fuglafirði keypt
Í 2008 keypti KJ Hydraulik bedingina í Fuglafirði, og var hetta eitt stórt framstig fyri arbeiðið við tvíkiljum hjá felagnum
2010
KJ Supply stovnað í Danmark
KJ Hydraulik stovnar eitt dóttirfelag í Danmark, ið fær navnið KJ Supply. Hetta er ein góður fyrimunur viðvíkjandi innkeypi.
2013
Ólavur verður kosin ársins leiðari
Stjóri felagsins, Ólavur Asafsson Olsen, verður kosin ársins leiðari í privatu vinnuni í 2013.
2013
KJ keypir virkisbygning á Hjalla 33
KJ keypir stóran virkisbygning á Hjalla 33. Virksemið flytir í bygningin í august mánað árið eftir.
2014
Goymslubygningurin á Kambsdali keyptur
KJ keypir stóran goymslubygning á Kambsdali frá Havnar Timburhandli.
2016
Ársins virki í Føroyum
Vinnuhúsið letur heiðursbræv til P/F KJ Hydraulik tann 30. November 2016, og felagið verður kosið ársins virki.
2016
Goymslan á Kambsdali fer í luftina
Á jólum í 2016 fer stóri goymslubygningurin hjá KJ á Kambsdali í luftina tá herviligt ódnarveður herjaði. Bygningurin var endurreistur og hýsir ídag aftur goymsluni hjá KJ á Kambsdali.
2020
KJ Hydraulik verður stytt til “KJ”
Avgerð verður tikin um at taka orðið ‘hydraulik’ burtur úr navni felagsins, tí virksemið er støðugt broytt gjøgnum árini og umfatar í størri mun annað enn hydraulikk. Felagið verður nú marknaðarført sum “KJ”.
2022
Virkisbygningur við Áir brennur í grund
Virkisbygningurin hjá KJ við Áir, ið hýsir sandblástri og øðrum avleiddum virksemi, brennur í grund í august mánaða 2022.
2023
Viggo Johannesen verður stjóri
Í mai mánaða verður Viggo settur sum stjóri í KJ, og myndar nú felagið saman við hinum stjóranum, Ólavi Asafsson Olsen.