
KJ søkir elektrikara og/ella automatikmekanikara
Til el deild okkara á Kambsdali søknast vit eftir dugnaligum starvsfelaga til fjølbroytt arbeiði sum í høvuðsheitum fevnir um installatión, umvæling og viðlíkahald av stýriskipanum á fiskiskipum og vinnuni á landi
Vit hugsa okkum ein mann/kvinnu við útbúgving sum elektrikari, el installatørur, automatikmekanikari ella líknandi.
Vit vænta at tú:
- Hevur áhuga fyri el-stýringinum, elektrohydrauliskum skipanum og mekanikki
- ert fyrikomandi og tænastusinnað/ur
- ert væl skipað/ur
- hevur góð evnir at samskifta
- hevur møguleika at loysa arbeiðsuppgávur uttanlanda í styttri tíðarskeið
Vit bjóða
- Góða matarskipan
- Starvsfólkatrygging
- Gott arbeiðsumhvørvi
- Góðan møguleika fyri fakliga menning
Setanartreytir
Starvið verður sett sum skjótast. Høvuðsarbeiðsstaður verður hjá KJ á Kambsdali. Løn og treytir annars sambært avtalu.
Spurningar
Hevur hetta tín áhuga ert tú vælkomin at ringja til Birgir Samuelsen, tekniskur leiðari, á tel. 58 88 56 ella senda ein teldupost til bsa@kj.fo.
Umsókn
Umsókn við møguligum prógvum og skjølum skal sendast til starv@kj.fo.
Til ber eisini at søkja starvið umvegis heimasíðu okkara.
Umsóknir skulu vera okkum í hendi í seinasta lagi 15. november 2024.