Agnavík handað Bakkafrosti

Týsdagin var Agnavík, ið er nýggjasta tvíkiljan frá KJ, handa til Bakkafrost. Og eftir at manningin hevði roynt bátin á fjørðinum, í fagrasta veðri, var kósin sett til Hvalbiar, har Agnavík skal hava heimstað, og kemur at virka.

KJ ynskir Bakkafrost tillukku, og góða eydnu, við nýggju tvíkiljuni!

Agnavík er 18 metur til longdar, er 8 metur breið, hevur ein 65 tons/metur Palfinger krana og 15 tons KJ dekksspæl, umframt nógva aðra útgerð.

Motorarnir umborð eru IVECO – Agnavík er nýbyggningur nummar 54 hjá KJ – í løtuni eru tríggjir aðrir nýbyggningar kontraktaðir, og í gerð.