aðrar vørur og veitingar

Vit hava fleiri aðrar dygdargóðar vørur og tænastur, ið hjálpa kundanum at røkka sínum málum. Hetta vilja vit eisini vera við til – tí fyri okkum er tænasta ikki bert ein styrki, nei, tað er ein lívsstílur!

eitt breitt úrval av vørum

KJ er sum veitari sera errin av, og raðfestur høgt, at hava eina sterka goymslu. Við meir enn 25.000 ymiskum vørum til vinnuna, eru vit klár at liva upp til krøv frá okkara kundum. Harvið tryggja vit, at vit eru ein viðspælari til vinnuna. Um ein kundi ynskir eina vøru, ið ikki er á goymslu í tí løtu, hon verður umbiðin, leypur okkara sterka toymi heilhjartað í aktión. Har verður okkara serkunnleiki prógvaður og okkara sterka netverk gagnnýtt. Á hendan hátt stytta vit um bíðitíðina hjá kundanum.

Harafturat er søludeildin hjá KJ mannað av dugnaligum sølufólki, ið altíð er klár at hjálpa og ráðgeva, soleiðis at kundin fær júst tað, honum tørvar. Okkara serkunnleiki er innan eitt sera stórt úrval av vørum, og prógvar hetta, at okkara netverk og okkara arbeiðsmegi er inngrógvin í okkara tænastu.

Vit veita m.a.:

Industrislangur
Rør- og slangufittings
Filtur og filturhúsar
Hydrauliskar pumpur og motorarar
Vatnpumpur
Legur og transmissiónir
Industriventilar
Seperatorar
Kemikaliir
Kemi
Rør- og slanguklemmur
Rørfittings
Rør
Luftslangur og fittings

pdf

Vørukatalog 2024

Tak fílu niður

Tekning, projektiering og ráðgeving

Vit bjóða heildarloysnir, frá hugskotið til projektering og tekningar, detail projektering og framleiðslu, til uppsetan og royndarkoyring. Við servitan og rættari arbeiðstilgongd ber alt til. Tekniska deild hjá KJ hevur teknistovur á Kambsdali og í Klaksvík, við nútímans forritum, sum t.d. AutoCad og Inventor, umframt plottaraútgerð o.ø. Lat okkum hjálpa tær at gera hugskot til veruleika.

Aðrar veitingar

Við einari góðari smiðju og dugnaligum arbeiðsfólki, ber til at framleiða, so at siga alt til tykkara tørv innan mekanik, hydraulik og pneumatik og hetta verður framleitt úr svørtum stáli, rustfríum stáli og/ella úr aluminium. Úr rúgvuni kann m.a. nevnast bátavognar, línuspøl, gogguknúsarar, rullutangar, skivur, knívar, gelendarar, bygd/býarskeltir og rørleiðingar.